कर्णाली करिडोरको धुलाचौर बन्द गर्नेलाई कारबाही माग
हुम्ला – कर्णाली करिडोरको बाजुरा खण्डको धुलाचौर बन्द गर्नेलाई कारवाहीको माग गरिएको छ। सडक बन्दका कारण १९ घण्टादेखि यात्रुहरू धुलाचौरमा अलपत्र परेको बन्दै उनीहरूलाई आफ्नो गन्तव्यतर्फ जाने व्यवस्था गर्न र राज्यको कानुनविपरीत राजमार्गअवरुद्ध गर्नेलाई कारबाहीको माग गरिएको हो।
बन्दको विरोधमा हुम्लामा बसेको सर्वपक्षीय बैठकले कानुनविपरीत गरिएको राजमार्ग बन्दकर्तालाई कारवाहीको दायरामा ल्याउन नेपाल सरकार गृहमन्त्रालयलाई माग गरिएको प्रमुख जिल्ला अधिकारी टेककुमार रेगमीले बताए।
बैठकले अव्यवस्थापन सेवा सञ्चालन ऐन २०४१ को दफा ३ को उपदफा १ विपरीत जेठ २७ गते बेलुकाबाट धुलाचौरमा सडक अवरुद्ध गरी यात्रुहरूलाई अलपत्र पारेको, चालु आवको सालतमामको मुखैमा दैनिक उपभोग्य तथा निर्माणा सामग्री ढुवानीमा अवरोध भएको अवस्थालाई ध्यानमा दिई उक्त अवरुद्ध गर्ने ब्यक्तिहरूलाई कानुनी कारवाहीको दायरामा ल्याउन माग गरिएको छ।
यथासक्य बन्द सुचारु गर्ने कार्य अगाडि बढाउन बैठकले मागसमेत गरेको छ। बाजुरा र हुम्ला जिल्लाको सीमा विवादलाई लिएर दुई जिल्लावीच बिबाद चर्कदै गएको छ। बाजुराको धुलाचौरका स्थानीयले लाम्पाटा झपडका आरोपीलाई कानुनी दायरामा ल्याउन माग गर्दै सो बन्द गरेका हुन्।
