बयलकाँडा कालिज फारम घुमेर आउँदा (भिडियो सहित)
सुर्खेत आउँदा कता घुम्ने भन्ने ठाउँको पहिचान गर्नको लागि त्यही भ्याली भित्र रहका पार्क, मठमन्दिर मात्र सोच्ने गरिन्छ । प्राकृतिक सुन्दरताको स्वाद चाख्नको लागि १५ किलोमिटर भन्दा अलि टाढा जाँदा यस्ता ठाउँ छन जहाँ पुग्दा सुर्खेतको भिँडभाड भन्दा अलि टाढा पुग्न सकिन्छ । आफुलाई मुड फ्रेस बनाउन सकिन्छ । धुवाँ धुलो र केही शान्त ठाउँमा पुग्न सकिन्छ । सुर्खेतको भ्याली भन्दा उत्तरतिरको कपासे ब्यारेक हुँदे दैलेख गुराँशे जाने बाटो तिर जाँदै गर्दा कटकुवा कटेर अलि पर छेडा भेटिन्छ । छेडाबाट पश्चिमतिरको कच्ची बाटो पहिल्याउँदै जाँदा बयलकाँडा भेटिन्छ, जहाँबाट सुर्खेतको दृश्य राम्रोसँग हेर्न सकिन्छ । बयलकाँडा डाँडाबाट दिउसो र राती सुर्खेत उपत्यकाको सुन्दर दृश्य हेर्न सकिने ठाउँ पनि यो उत्तम ठाउँ हो ।
बयलकाँडा गएर अर्को नछुटाउनु पर्ने कालिज फम हो । कालिजको मासुको स्वादमा खाजा, खाना र बस्नको लागि माउन्टेन फुड प्रोडक्ट हो । जहाँबाट विहानको सूर्योदय, मिठो खानेकुरा पनि स्वाद चाख्न सक्नुहुनेछ । पर्यटकिय ठाउँ समेत रहेको बयलकाँडा पिकनिक स्पट पनि हो । यहाँबाट हरेक वर्ष प्याराग्लाईड समेत हुने गरेको छ । सपरिवार बस्नको लागि यो ठाउँ सुर्खेतको प्रसिद्ध ठाउँ हो । गर्मी मौसममा अझ यो ठाउँ घुम्न जानको संख्या बढ्ने गरेको छ ।
भिडियो हेर्नको लागि यहाँ क्लिक गर्नु होला
